Sakata la Yanga kufungiwa usajili liko hivi

Ofisa Habari wa Yanga SC, Ali Kamwe, amefunguka baada ya kusambaa kwa taarifa ya kuzushiwa kuwa wao wamefungiwa kusajili

Kuhusu Taarifa ya Yanga kufungiwa usajili ilisambaa jana kwenye mitandao ya kijamii ambapo barua iliyosemekana ni ya kutoka FIFA, ilieleza kuwa Yanga wamefungiwa usajili tangu Juni 25, 2023 kwa kushindwa kumlipa aliyekuwa kocha wao, Luc Eymael.

Baada ya taarifa hiyo kusambaa kwa kasi na kuzua sintofamu, Ali Kamwe aliibuka na kueleza kuwa suala hilo halina ukweli wowote.

“Yanga Hatujafungiwa kusajili, wanatuzushia hizi habari ili kutuvuruga. Ni kweli tunadaiwa na Kocha lakini tunaendelea kumlipa kama tulivyotakiwa kufanya kisheria,” Ally Kamwe.