Saini moja tu yashikilia uhamisho wa Rice kutua Arsenal

West Ham United inasubiri wanasheria wa Arsenal kuweka saini kwenye makubaliano ya kumnunua kiungo Declan Rice kabla ya kumruhusu mkali huyo kutua zake Emirates.

Arsenal imekubali kuilipa West Ham Pauni 105 milioni kwa ajili ya kumsajili Mwingereza huyo.

Arsenal itasafiri kwenda Marekani, ambako itacheza mechi kibao za kirafiki. Kwanza watacheza na MLS All Stars uwanjani Audi, Washington DC, Julai 20, kabla ya kukabiliana na Manchester United uwanjani MetLife, New York, Julai 22 na Barcelona uwanjani SoFi, Los Angeles, Julai 26. Rice atapiku uhamisho wa Nicolas Pepe wa Pauni 72 milion na kuwa mchezaji ghali zaidi kuwahi kusajiliwa na Arsenal.