Sadio Mane avuta jiko

Nyota wa Al-Nassr, Sadio Mane, ameripotiwa kufunga ndoa na mpenzi wake, Aisha Tamba, katika sherehe nzuri ya harusi huko Dakar Jumapili, Januari 7, 2024.

Harusi hiyo ilisemekana kuhudhuriwa na marafiki, familia, wachezaji wa zamani, na hata wachezaji wa sasa wa timu ya taifa ya Senegal.

Nyota huyo wa zamani wa Liverpool pia alirejea nyumbani kuungana na wachezaji wenzake wakati mabingwa hao wa Afrika wakizindua kambi yao ya mazoezi kabla ya AFCON 2023.

Mapema mwezi huu, kijana huyo mwenye umri wa miaka 31 alikuwa amezindua uwanja aliojenga katika mji aliozaliwa wa Bambali kabla ya kufanya sherehe ya ndoa yake kabla ya safari ya Ivory Coast.

Katika picha zilizosambazwa kwenye mitandao ya kijamii, Tamba alionekana akiwa amevalia vazi la harusi la kupendeza akiwa na tabasamu kubwa usoni mwake kwa siku hiyo kuu. Mane alivaa mavazi ya kitamaduni nyeupe ya Arabia.