Rwanda kushiriki CECAFA

Shirikisho la soka nchini Rwanda limetangaza kushiriki katika Mashindano ya Cecafa Senior Challenge Cup yatakayofanyikia mwaka huu visiwani Zanzibar.

Kwa mujibu wa Katibu Mkuu wa shirikisho la FERWAFA, Adolphes Kalisa amesema ya kuwa ushiriki wa Rwanda kwenye mashindano hayo itakuwa moja ya njia za kuipima timu yao ya Taifa kuelekea katika mashindano mbalimbali.

Mara ya mwisho kwa Rwanda kushiriki CECAFA ilikuwa mwaka wa 2017 katika mashindano ambayo yalifanyikia nchini Kenya.