Ruvu Shooting vs Mbeya City, hapatoshi Uwanja wa Uhuru leo

Katika mwendelezo wa Ligi kuu ya NBC leo unazikutanisha Ruvu Shooting dhidi ya Mbeya City ambapo mchezo huo unatarajiwa kupigwa majira ya saa 10:00 jioni katika uwanja wa Uhuru Dar-Es-Salaam.

Ruvu Shooting yupo nafasi ya 10 baada ya kucheza michezo 9 huku akiwa ameshinda michezo mitatu, sare moja, amepoteza michezo mitano. Wakati huo huo Mbeya City wao wapo nafasi ya 11, wakiwa na michezo 7, ushindi mara mbili, sare tatu na kupoteza mara 2 pointi 9 kibindoni.

Mwenyeji Ruvu Shooting ametoka kupoteza mechi iliyopita akiwa nyumbani, huku mgeni yeye mechi yake ya mwisho akitoka kushinda.