Rorbertinho: Tunaitaka Robo Fainali Shirikisho

Kocha Mkuu wa Simba SC, Roberto Oliviera 'Robertinho' amesema kuwa, wamejipanga kufanya vyema kwenye mchezo wa kesho wa Kombe Shirikisho la Azam ili kuweza kutinga hatua ya Robo Fainali ya michuano hiyo.

Robertinho amesema, malengo ya Simba ni kushinda kila taji la michuano inayoshiriki kwa hiyo anauhitaji ushindi kesho dhidi ya African Sports huku akiahidi kuwatumia wachezaji ambao hawapati nafasi kubwa kikosini.

"Tumejipanga kuhakikisha tunashinda mchezo wa kesho wa ASFC dhidi ya African Sports, Simba ni timu kubwa tunahitaji kushinda kila taji na tupo tayari.

"Tunategemea kuwatumia wachezaji ambao hawajapata nafasi kubwa kikosini kwa kuwa tuna mchezo wa marudiano na Vipers kwa hiyo tunaziangalia mechi zote," alisema Robertinho.