Ronaldo maarufu Ureno kuliko Rais wa nchi

Mshambuliaji wa klabu ya Barcelona na timu ya Taifa ya Ureno Joao Felix amenukuliwa akisema kuwa nchini kwao Ureno idadi kubwa ya watu wanamjua mshambuliaji kinara na nahodha wa nchi hiyo Cristiano Ronaldo kuliko wanavyomjua Rais wa nchi hiyo Marcelo Rebelo de Sousa.

"Ni ngumu kumjua Rais wa nchi yetu (Ureno) kuliko Ronaldo, in rahisi sana kumjua Ronaldo, ni maarufu sio tu kwenye mpira lakini hata kwenye maisha ya kawaida, anaangaliwa na jamii sana" alisema Joao Felix

Ronaldo ambaye amejiunga na kambi ya timu ya Taifa siku nne zilizopita alikaa benchi mchezo mmoja wa kujiandaa na Euro 2024 kabla ya jana kucheza na kufunga magoli mawili kati ya matatu kwenye ushindi wa 3-0, Ureno ikiichapa Ireland, huku Joao Felix akifunga goli la 3.