Ronaldo atemwa mechi dhidi ya Atlético Madrid

Klabu ya Manchester United imemuacha mshambuliaji wake nyota Cristiano Ronaldo kwenye kikosi kinachoanza katika mchezo wa kirafiki dhidi ya Atlético Madrid.

Ronaldo ajacheza mchezo wowote wa Pre-season mpaka sasa na imetarifiwa kuwa mchezaji huyo wa kimataifa wa Ureno anatafuta timu ambayo inashiriki ligi ya mabingwa ulaya ili awe kucheza michuano hiyo msimu huu.

Manchester United inatarajia kucheza na Atlético Madrid jijini Oslo siku ya Jumamosi kwenye wa mchezo wa kirafiki, na siku ya jumapili watacheza mchezo wa fainali dhidi ya Rayo Vallecano, kabla ya ufunguzi wa michezo ya Premier League dhidi ya Brighton Agosti 7.

“Baadhi ya wachezaji kwenye kikosi chetu watakosekana, mchezo ambao utachezwa siku ya leo Jumamosi na mchezo wa jumapili dhidi ya Rayo Vallecano, wakati wachezaji wengine wakiwa wagonjwa au majeruhi.” Man Utd walisema wakihusianisha na mchezo dhidi ya Atlético Madrid.

Manchester United mpaka sasa hawajathibitisha ikiwa Ronaldo atakuwepo kwenye kikosi cha kitakacho cheza dhidi ya Rayo Vallecano.