Ronaldo amuita Mourinho Uarabuni

Straika na nahodha wa Al Nassr ya Saudi Arabia, Cristiano Ronaldo amemkaribisha kufanya naye kazi kocha wake wa zamani, Jose Mourinho ambaye amewekwa kuwa chaguo la kwanza la kuinoa timu hiyo.

Waarabu hao wamemuwekea ofa nono ya euro milioni 100 Mourinho kwa ajili ya kwenda kuinoa timu hiyo na kuungana na staa wake huyo ambaye walifanya kazi pamoja ndani ya Real Madrid.

Akizungumzia juu ya ujio wa Mourinho kwenye kiksoi hicho, Ronaldo alisema: “Kufanya tena kazi na Mourinho? Kwa nini isiwe? Ni moja ya makocha wa juu sana, hilo nalisema kila siku. Nimecheza chini ya makocha wengi lakini Mourinho ana maarifa makubwa.”