Ronaldo akosea jina la Saudi Arabia, aitaja Afrika Kusini

Nyota wa soka Cristiano Ronaldo alikosea jina la Saudi Arabia wakati akiongea kwa mara ya kwanza na waandishi wa habari baada ya kuhamia Al Nassr FC.

"Sio mwisho wa kazi yangu kuja hapa South Africa (Afrika Kusini)"

Pamoja na watu wengi kushangazwa na kutofurahishwa na kosa hilo Maofisa wa Saudi hawakumkosoa, na vilevile mashabiki ambao wamemkaribisha kwa furaha hawakuonekana kujali sana.

Kupitia mtandao wa Twitter Shabiki mmoja aliandika kwa utani akisema "Huhitaji kujua jina la nchi kulipwa euro milioni 200. Karibu South Africa Ronaldo"

Nao mashabiki wa nyota huyo kutokea Afrika Kusini wametoa maoni yao wakisema wanayo ndoto ya siku moja kumuona akichezea timu ya kwao.