Ronaldo akifunga goli la pekee na la ushindi kwa Man United
Bao pekee la mshambuliaji wa kimataifa wa Ureno Cristiano Ronaldo limeipa uhakika wa ushindi Manchester United chini ya kocha wa Ralf Rangnick mbele ya Norwich City mchezo wa Ligi Kuu England.
Bao la Ronaldo limetokea kunako dakika ya 75 kwa njia ya penati baada ya mlinzi wa pembeni Max Aarons kumfanyia madhambi Ronaldo na mwamuzi wa mchezo huo akaamua kuwa ni penati.
Norwich City licha ya kukamata nafasi ya mwisho kwenye msimamo wa EPL bado ilifanikiwa kutoa ushindani mkubwa ambapo ubora wa David de Gea umewanyima nafasi ya kushinda au kuibuka hata na bao.
Ushindi huo unaifanya Manchester United kukwea mpaka nafasi ya tano kwenye msimamo wa EPL mbele ya Arsenal na Tottenham Hotspur ikiwa na alama 27.