Ronaldo: Nitacheza mpaka miguu ikome

Kufuatia tabiri nyingi za nahodha wa Ureno, Cristiano Ronaldo (CR7) ni lini atatundika daruga?

Mshambuliaji huyo ameibuka na kuweka wazi mustakabali wake alipofunga bao lake la 9 kwenye Ligi ya Saudia msimu huu.

“Wanasema Ronaldo amemaliza, lakini si kweli. Nitaendelea kucheza hadi miguu yangu itakaposema: Cristiano, nimemaliza" amenukuliwa mchezaji huyo.

Ameyasema hayo usiku wa kuamkia leo kufuatia kuifungia mabao mawili klabu yake, Al-nassr na kupelekea ushindi wa 4-3 dhidi ya Al-ahli, klabu yenye nyota wengi wakubwa akiwemo Riyad Mahrez na Roberto Firminho.

“Bado nina mengi, bado napenda soka, bado napenda kufunga mabao, bado napenda kushinda michezo, mataji na vikombe,”

"Wanasema nimemaliza na ni wakati wa mimi kumaliza lakini bado ninathibitisha kuwa sio kweli" amenukuliwa CR7.