Ronaldo, Beckham uso kwa uso

Mkongwe wa Brazil Ronaldo de Lima (R9), juzi alikutana na mkongwe wa England David Beckham jijini Paris kwenye maonyesho ya mitindo ya "Victoria Fashion Show".

Maonyesho hayo ya kifahari yaliandaliwa na mke wa Beckham ambaye pia ni mwanamitindo maarufu Bi.Victoria Beckham.

Katika maonyesho hayo ambayo yalihudhuriwa na watu mbalimbali mashuhuri Ronaldo ( 46) aliongozana na mchumba wake Celina Locks (32) ambaye ni mfanyabiashara na Mwanamitindo maarufu Kimataifa. 

Ronaldo na Beckham walicheza soka pamoja katika klabu ya Real Madrid kati ya mwaka 2003 na 2007.