Roberto Firmino "bye bye" Liverpool

Roberto Firmino (31) ameamua kuondoka Liverpool kama mchezaji huru ifikapo mwishoni mwa msimu huu baada ya kudumu kwa miaka nane ya mafanikio.

Nyota huyo raia wa Brazil alipewa ofa ya mkataba mpya lakini yeye mwenyewe pamoja familia yake wameamua kutafuta changamoto mahali pengine.

Tayari Firmino ametoa taarifa kwa kocha wake Jurgen Klopp na bodi ya Liverpool hivyo anatarajiwa kuagwa miezi michache ijayo.

Firmino alijiunga na Liverpool mwaka 2015 akitokea Ujerumani katika klabu ya Hoffenheim kwa dau la pauni milioni 21.3

Tangu wakati huo nyota huyo wa Brazil amecheza michezo 352, akifunga mabao 107 na kutoa pasi za mabao 78.

Mara kadhaa Meneja wa Liverpool Jurgen Klopp amekuwa akisisitiza kuwa bado anataka kufanya kazi na mchezaji huyo lakini mwenyewe ameamua kuondoka klabuni hapo.

Firmino ameshinda mataji yote kwa ngazi ya Klabu akiwa na Liverpool, na kubwa kuliko yote ndio mchezaji wa Kibrazil mwenye magoli mengi EPL.