Robertinho amwagia maua yake Saido Ntibazonkiza

Kocha Mkuu wa Simba SC, Roberto Oliviera 'Robertinho' amesema ushindi wa mabao 6-1 dhidi ya Polisi Tanzania ni sehemu ya maandalizi ya msimu ujao wa Ligi 2023-24.

Robertinho amesema hayo jana Juni 6, 2023 mara baada ya kukamilika kwa mchezo huo uliopigwa kwenye Uwanja wa Chamazi Complex jijini Dar.

"Nimefurahi kupata ushindi huu kwa kuwa unatujengea umbo zuri kuelekea msimu mpya wa ligi. Nawapongeza wachezaji wangu kwa kazi kubwa waliyofanya. Pia nampongeza Saido kwa kufunga mabao matano peke yake, sio jambo dogo, anastahili pongezi," alisema Roberthinho.