Robertinho: Wachezaji wanacheza kutokana na maelekezo

Kocha mkuu wa Simba Mbrazil Robertinho amesema kuwa wachezaji wake hawachezi kwa kufuatisha presha yoyote na badala yake wanacheza kulingana na maelekezo yake.

Robertinho amesema hayo jana mara baada ya kumalizika kwa mchezo wa Ligi Kuu ya NBC dhidi ya Tanzania Prisons ambapo Simba ilifanikiwa kuibuka na ushindi wa bao 3-1 na kujikita kileleni mwa ligi hiyo.

Robertinho pia amesema kuwa wao kikubwa wanacheza kulingana na mahitaji ya timu na mpinzani ambaye wanakutana naye tofauti na watu ambavyo wanahitaji hivyo anawashukuru wachezaji kwa matokeo ambayo wameyapata.

"Tulijua kuwa tutakuwa na mchezo mgumu dhidi ya Prisons, lakini tulikuwa

na mbinu mbadala ambazo zilitusaidia kuusaka ushindi wa kutusogeza juu zaidi katika kutimiza malengo ya msimu. Mchezo umemalizika na sasa tunawaza mchezo ujao," amesema Robertinho.