Robertinho: Kwa nini tusifuzu nusu Fainali?

Kocha mkuu wa Simba Robertinho Olivieira amesema kikosi chake kiko tayari kucheza na timu yoyote robo fainali ya michuano ya ligi ya mabingwa barani Afrika

Droo ya robo fainali ilifanyika Jumatano usiku huko Cairo Misri simba ikipangwa kukutana na mabingwa wateyezi Wydad Athletic

Mchezo wa kwanza utapigwa uwanja wa Benjamin Mkapa Jumamosi, Apri 22 na marudiano kupigwa huko Morocco April 29

Robertinho amesema walijipanga kukutana na yeyoye katika hatua hii, hivyo watakuwa tayari kukabiliana na Wydad Casablanca

"Sikiliza katika hatua hii hakuna timu nyepesi sisi tulijiandaa kukutana na yeyoye na hivyo tutakuwa tayari kukabiliana na Wydad Athletic"

"Naamini timu yangu, tuna wachezaji wazuri ambao wana ushirikiano mkubwa hivyo siwezi kuwahofia Wydad pamoja na kuwa ni mabingwa watetezi"

"Tunao wachezaji wenye uzoefu wa michuano hii ambao naamini watakuwa na mchango mkubwa katika hatua hii inayofuata," alisema Robertinho

"Kwanini tusifuzu nusu fainali? Mimi najiamini, nawaamini wachezaji wangu na pia naamini Mungu hupanga kila kitu, hivyo sisi tutakwenda kushindana tukiamini hakuna jambo lisilowezekana. Nawaambia tunayo nafasi ya kufuzu nusu fainali"