Rekodi ya Mashujaa Mechi za ugenini majanga

Mashujaa FC bado haijaonesha maajabu ikicheza nje ya Uwanja wa Lake Tanganyika, Kigoma (uwanja wao wa nyumbani), imepoteza mechi mbili (2) mfululizo kati ya tatu (3) ambazo imecheza nje ya Kigoma!

Katika mechi tatu za kwanza ambazo ilicheza nyumbani, Mashujaa ilifanikiwa kukusanya alama saba hiyo ni baada ya kushinda michezo miwili na kutoka sare mchezo mmoja.

Baada ya msimu huu kuanza, Mashujaa ilianzia nyumbani kwa mechi tatu mfululizo ambazo ilishinda mbili na kutoka sare moja. Baada ya hapo ikasafiri nje ya Kigoma kwa mechi tatu, imepoteza mbili na kuambulia sare moja!

MATOKEO YA MASHUJAA LIGI KUU 2023|24

Mashujaa 2-0 Kagera Sugar

Mashujaa 0-0 Geita Gold

Mashujaa 2-0 Ihefu SC

Namungo 0-0 Mashujaa

JKT Tanzania 1-0 Mashujaa

Coastal Union 2-0 Mashujaa

Mashujaa ikiwa ugenini imeambulia alama moja tu baada ya sare dhidi ya Namungo FC (Majaliwa Stadium, Ruangwa, Lindi) huku ikiwa imepoteza alama nane kati ya tisa za ugenini!

Kwa mujibu wa ratiba ya Ligi Kuu, Mashujaa FC itakuwa nyumbani kwa mechi tatu mfululizo! Je, wataendelea kuvuna alama tatu wakiwa Kigoma??