Refa anayeuza mpira wa bao la mkono la Maradona aogelea matusi

Refa wa zamani kutokea Tunisia, Ali Bin Nasser (78) ambaye alitangaza kuuza mpira uliotumiwa na mkongwe wa Argentina kufunga goli la “Hand of God” dhidi ya England katika Kombe la Dunia mwaka 1986 amesisitiza kuwa bado anauuza mpira huo wenye thamani ya takribani pauni milioni 3.

Mashabiki wa England pamoja na Gary Lineker (pichani juu) ambaye ni mmoja wa waliofunga magoli katika mechi ile, wamemtuhumu refa huyo kwa kutaka kutengeneza pesa kutokana na “upuuzi wa aibu" alioufanya kwa kulikubali goli lile.

Akiongea na gazeti la The Sun, refa huyo mkongwe alisema “ninauuza, sijali watu wanavyofikiri.”

Alipoulizwa kwanini alilikubali goli lile lililoleta utata wakati wa mechi ile Bin Nasser alisema kuwa hakumuona Maradona wakati akiusukuma mpira huo uliompita kipa Peter Shilton. Baada ya mechi, aliuchukua mpira na kuuweka nyumbani kwake kabatini.

Alipozidi kuulizwa maswali , alichukia na kuwakaripia waandishi wa habari “hamtakiwi kuja nyumbani kwangu, ondokeni, nimeshasaini mkataba, kampuni ndio inayonisimamia mimi na mpira, siwezi kuongea na mtu mwingine.