Beki wa kulia wa Chelsea, Reece James
Beki wa kulia wa klabu ya Chelsea Reece James amekutana na rungu la shirikisho la soka nchini Uingereza baada ya kukutwa na hatia ya kutoa ligha mbaya/ matusi kwa mwamuzi.
Reece James alimtolea maneno mabaya mwamuzi katika mchezo wao wa ligi kuu ya Uingereza dhidi ya Aston Villa katika dimba la Stamford Bridge, Ambapo klabu ya Chelsea ilipoteza mchezo huo.
Beki huyo inaelezwa alikiri kutoa maneno hayo kwa mwamuzi wakati mchezo wao ulipomalizika, Hivo shirikisho likampa adhabu ya kukosa mchezo mmoja na kupigwa faini ya paundi 90,000 ni wazi beki huyo atakosekana katika mchezo mmoja wa Chelsea ambao utakua dhidi ya Burnley wikiendi hii.
Beki huyo pamoja na kutoa lugha zisizofaa mchezoni lakini hakua katika sehemu ya kikosi katika mchezo huo kutokana na majeraha ambayo yalikua yanamuandama lakini alimfata mwamuzi baada ya mchezo na kumtolea maneno makali yasiyofaa mchezoni.
Klabu ya Chelsea inatarajia beki Reece James ataweza kurejea katika mchezo wa ligi kuu ya Uingereza dhidi ya mahasimu wao kutoka jiji la London klabu ya Arsenal mchezo ambao utapigwa mwezi huu wa kumi tarehe 21.