Mchezo ulimalizika kwa sare ya goli 1-1
Klabu ya Real madrid imeshindwa kupata alama tatu wakiwa katika uwanja wao wa nyumbani na kulazimishwa sare na klabu ya Girona.
Klabu hiyo ambao wanadondosha alama katika mchezo wa pili mfululizo, Baada ya kufungwa katikati ya wiki katika mchezo wa ligi ya mabingwa ulaya dhidi ya Rb Leipzig na jana wamepata suluhu dhidi ya Girona.
Katika mchezo huo ambao Real Madrid wamelazimishwa sare, wao ndio walikuwa wa kwanza kupata bao kupitia kwa winga wake hatari Vinicius Jr kabla ya bao hilo kusawazishwa na Cristhian Stuani kwa mkwaju wa penati dakika za lala salama.
Pamoja na matokeo hayo klabu ya Real Madrid inasalia kileleni mwa msimamo wa ligi kuu nchini Hispania wakiwa na jumla ya alama 32 kwenye michezo 12 huku wakilinda rekodi yao ya kutokufungwa kwenye ligi hiyo mpaka sasa.
Katika mchezo huo Kiungo wa klabu hiyo Toni Kroos akipata kadi nyekundu kwa mara ya kwanza tangu aanze kucheza mpira rasmi katika dakika za nyongeza za mchezo huo.