Ratiba EPL kuanikwa wazi Julai 15

Ratiba ya Ligi Kuu ya England ‘Premier League’ kwa msimu ujao wa 2023/24, inatarajiwa kutangazwa Juni 15, huku ligi yenyewe ikipangwa kuanza Agosti 12, mwaka huu.

Kuwekwa wazi kwa ratiba hiyo, itakuwa ni siku moja baada ya kufunguliwa kwa dirisha kubwa la usajili kwa majira ya joto barani Ulaya ambayo itakuwa kesho Jumatano, huku likitarajiwa kufungwa Septemba Mosi, mwaka huu.

Katika msimu ujao wa Premier ambao mabingwa watetezi ni Manchester City, kutakuwa na mapumziko kati ya Januari 13 na 20, 2024.

Wakati ligi ikianza Agosti 12, mwaka huu, mechi zote za mzunguko wa mwisho zinatarajiwa kuchezwa Mei 19, 2024 ambapo ndipo msimu utakuwa umefungwa.