Ramsdale azichonganisha Chelsea, Newcastle Utd

Klabu za Chelsea na Newcastle United zimedhamiria kumsajili Mlinda Lango wa Arsenal na England, Aaron Ramsdale katika dirisha lijalo la majira ya kiangazi ambapo anadaiwa kutaka kuondoka kwa sababu hapati nafasi ya kutosha katika kikosi cha kwanza.

Kocha wa Arsenal, Mikel Arteta anaonekana kuvutiwa zaidi na David Raya aliyesajiliwa kwa mkopo akitokea Brentford katika dirisha lililopita la majira ya kiangazi.

Ramsdale mwenye umri wa miaka 25 alikuwa akihitaji kuondoka tangu dirisha lililopita la majira ya baridi, lakini ilishindikana na sasa anaangalia uwezekano wa kuondoka mwisho wa msimu huu 2023/24.

Tangu kuanza kwa msimu huu Ramdale amecheza mechi 11 za michuano yote na kuruhusu mabao 12, huku mechi tatu pekee tu ndizo alimaliza bila ya kuruhusu bao.

Ameendelea kuwa chaguo la pili mbele ya Raya na kinachoelezwa ni kwamba mpira mguuni na kuanzisha hana uwezo wa kucheza na mashambulizi muda mwingi.