Rabiot mguu ndani, mguu nje Juventus

Adrien Rabiot amepokea ofa kutoka kwa Manchester United na sasa anatafakari kuhusu mustakabali wake huku Juventus wakifikiria kuongeza pendekezo lao.

Mkataba wa Mfaransa huyo mwenye umri wa miaka 28 unamalizika na Bianconeri baadaye wiki hii, na kumuacha kwenye hatari ya kuondoka Turin kwa uhamisho wa bure.

Alicheza vyema chini ya Massimiliano Allegri msimu huu, akifunga mabao 11 na kutoa asisti sita katika mechi 48 katika mashindano yote, akitumia zaidi ya dakika 4200 za kucheza.

Ukurasa wa 14 wa Gazzetta dello Sport la leo unaeleza jinsi Rabiot amepewa mkataba mnono wa miaka mingi na Manchester United, lakini bado hajafanya uamuzi kuhusu uwezekano wake wa kuondoka Juventus.

Klabu hiyo tayari imempa mkataba wa mwaka mmoja wenye thamani ya takriban €7m, lakini wanaweza kuongeza hii katika kujaribu kumbakisha Mfaransa huyo.

Iwapo ataamua kuondoka Turin, Juventus wangegeuka na kuelekeza nguvu zao katika kumsajili nyota anayemaliza muda wake wa Lazio Sergej Milinkovic-Savic, ambaye kwa muda mrefu amekuwa akihusishwa na kutaka kumnunua.