Pierre-Emerick Aubameyang
Kocha mkuu wa Chelsea Graham Potter amesisitiza kuwa Pierre-Emerick Aubameyang bado ana mustakabali ndani ya Chelsea licha ya uamuzi mgumu wa kocha huyo kuhusu kukosekana kwa mshambuliaji huyo kwenye kikosi cha Blues cha Ligi ya Mabingwa.
Kocha mkuu wa Chelsea Potter alimwacha Aubameyang nje ya kikosi chake cha wachezaji 25 kuelekea michuano ya Ulaya, na kuwaleta wachezaji wapya Joao Felix, Enzo Fernandez na Mykhailo Mudryk.
Mchezaji huyo wa Kimataifa wa Gabon aliichezea Chelsea kwa mara ya mwisho mwezi Novemba na amefunga mabao matatu pekee katika mechi 18 ambapo mabao 10 pekee kati ya hayo ndiyo ameanza huku kukiwa na hali ya kutatanisha huko Stamford Bridge.
Lakini Aubameyang alifunga mabao mawili nyumbani na ugenini dhidi ya Milan kwenye Ligi ya Mabingwa Ulaya, akianza mechi zote sita, huku Potter akikiri ugumu wa kutaja kikosi chake na utajiri wa Chelsea.
Potter amesema; “Sidhani itakuwa ngumu kwa sababu Pierre ni mtaalamu na bila shaka, ninaelewa kuwa atakatishwa tamaa. Ulikuwa uamuzi mgumu. Tulikuwa na watatu ndani na wawili walipaswa kutoka. Yeye ndiye aliyekosa, hakuna kosa lolote alilofanya.”
Kocha anasema kuwa walitaka kumpa David Fofana muda wa mchezo jana ili kuona yuko wapi na kumpa nafasi hiyo. Anasema aliona kiwango ambacho anacho.
Pierre ana bahati mbaya na atapigania nafasi yake kwa msimu uliosalia. Uamuzi wowote tuliofanya hapo mara zote ulikuwa wa mazungumzo juu yake lakini ulikuwa uamuzi wangu.
Picha iliyowekwa kwenye Instagram na kakake Aubameyang, Willy ilizua utata baada ya kuonekana kuwa mshambuliaji huyo wa zamani wa Arsenal alikuwa nchini Italia.