Pochettino: Nipeni Wachezaji kama mnataka Ubingwa

Kocha wa klabu ya Chelsea ya ligi kuu Uingereza, Mauricio Pochettino ni kama amewaambia mabosi wa Chelsea wampe wachezaji wa daraja la juu.

Hii imekuja alipoulizwa na waandishi kama anaridhika na nafasi waliyopo kwenye msimamo wa ligi.

"Uhalisia wetu ni kuwa daraja la kati kwenye msimamo na kama tunahitaji ubingwa tunapaswa kunyanyuka kwenye kila idara ikiwemo usajili wa wachezaji wa daraja la juu" alisema Pochettino kwenye mkutano na waandishi wa habari kuhusu Chelsea baada ya kipigo cha 2-0 kutoka kwa Everton.

Chelsea hadi sasa msimu huu kwenye ligi kuu Uingereza imecheza mechi 16, imepoteza mechi 7, imetoa sare 4 na kushinda mechi 5 huku ikiwa nafasi ya 12 kwenye msimamo wa ligi.