Pigo jingine kwa Liverpool baada ya Klopp kutangaza kuondoka

Unaweza kusema kwamba mtumbi umepigwa na wimbi zito katikati ya safari baharini, yes ni kwamba Kocha Msaidizi wa Liverpool, Pep Lijnders, yupo kwenye mazungumzo ili kuwa kocha mpya wa Ajax.

Mholanzi huyo tayari amethibitisha kwamba anaihama Anfield msimu huu wa jotosiku chache baada ya Jurgen Klopp kutangaza kufanya hivyo.

Kuondoka kwa Lijnders kwenda Ajax kutamfanya kukutana tena na nahodha wa zamani wa Liverpool, Jordan Henderson, ambaye sasa anafanya kazi na klabu ya Eredivisie baada ya kuvunja mkataba wake na klabu ya Saudi Pro League, Al Ettifaq.

Kocha huyo Mwenye umri wa miaka 41 alihamia Liverpool kutoka FC Porto mwaka 2014, baadaye akijipandisha ngazi hadi kuwa msaidizi wa karibu wa Klopp.

Kwa muda mrefu alitarajiwa kuwa kocha mkuu wa baadaye, Lijnders ataondoka Liverpool baada ya muongo mmoja akiwa na medali zisizopungua nane za ushindi.

Ajax wako katikati ya moja ya misimu yao mbaya kabisa ya Eredivisie, na pia wana mkufunzi wao wa pili ndani ya msimu mmoja.

Mabingwa hao wa Amsterdam walianza msimu chini ya Maurice Steijn, ambaye alidumu hadi Oktoba baada ya kuiongoza Ajax kufikia rekodi ya chini kabisa ya klabu ya pointi tano kati ya mechi saba.

Mbadala wake, John van ‘t Schip, ameimarisha mambo, lakini alisaini kwa muda wa mpito tu na sasa inaonekana kwa kiwango kikubwa kwamba atabadilishwa msimu huu wa joto.

Ilitangazwa kwamba Lijnders angefuata nyayo za Klopp kwa kuondoka Liverpool tarehe 26 Januari, pamoja na wasaidizi wenzake Peter Krawietz na Vitor Matos pia kujiondoa.

Klopp alifanya iwe wazi kwamba Lijnders alikuwa tayari kuongoza timu uwanjani, akisema: “Hasa Pep amejiandaa amejiandaa kuongoza timu ya mpira na anataka kufanya hivyo pia, hivyo ni nzuri, pamoja na Vitor.