Phiri: Mechi ya Power Dynamos itakuwa ngumu

Mshambuliaji wa Simba, Moses Phiri amesema mchezo ujao dhidi ya Power Dynamos itakuwa mechi ngumu kwakuwa siku chache zilizopita walikutana kwenye Tamasha la Simba hivyo tayari wanajuana.

“Tunafurahi kuona tunasafiri na mashabiki kutoka Dar es Salaam, hii itakuwa chachu kubwa kwetu kuhakikisha tunapambana kuwapa furaha mashabiki ambao wametoka nyumbani kuja kutupa sapoti sisi,” amesema Phiri.

Akizungumzia mchezo wenyewe Phiri amesema “Itakuwa mechi ngumu, Dynamos ni timu bora na ipo nyumbani ukizingatia siku chache zilizopita tumecheza nao kwa hiyo tunafahamiana vizuri.”

Phiri ambaye amemsajiliwa kutoka Zanaco ameongeza kuwa kuna kumbukumbu nyingi kila mara anaporudi kucheza nyumbani kwao Zambia hasa anapokutana na Power Dynamos.

“Kumbukumbu zipo nimewahi kucheza dhidi ya Power Dynamos, nafurahi kucheza kwenye ardhi ya nyumbani lakini nipo tayari kuipigania timu yangu ya Simba kupata ushindi,” amemalizia Phiri.