Pep amesema sio kawaida kwa mchezaji kuzoea kwa haraka mazingira ya timu mpya
Pep Guardiola amsifu Erling Haaland kwa kukabiliana haraka na mtindo wa uchezaji wa Manchester City, akidai kuwa raia huyo wa Norway amejihusisha zaidi na maandalizi yao katika wiki za hivi karibuni.
Haaland amefunga mabao 20 katika mechi 13 pekee alizochezea City tangu atue City kutoka Borussia Dortmund, yakiwemo mabao matano katika mechi tatu za Ligi ya Mabingwa.
Raia huyo wa Norway alifunga mabao mawili katika ushindi wa 5-0 nyumbani dhidi ya Copenhagen katika michuano ya Ligi ya Mabingwa wiki iliyopita na kuna uwezekano atakuwa na jukumu kuu wakati City wakitaka kuthibitisha nafasi yao ya kufuzu kwa kushinda mechi ya marudiano Jumanne nchini Denmark.
Alipoulizwa jinsi Haaland alivyozoea mtindo wa City, Guardiola alisema: “Ikiwa hii ilifanyika, itafanya kazi hadi sasa. Bila shaka, tunazoea kidogo, anabadilika tulifahamiana ndani na nje ya uwanja.
Guardiola aliendela kusema kuwa Erling ni mtu mzuri anaelewa mambo haraka, pia anajua anachopaswa kufanya. Yeye ni mmoja kati ya washambuliaji bora ambao niliwahi kuwa nao na nambari zinajieleza.
“Katika umri mdogo, ana mabao mangapi kwenye Ligi ya Mabingwa, huko Norway, Austria, Ujerumani na sasa England .. nazungumza mengi juu yake, lakini wakati mwingine sitakiwi kusema chochote na kuangalia tu namba inatosha".
Mshambuliaji huyo atakuwa mmoja wa wachezaji wachache wa hali ya juu kupata mapumziko ya muda mrefu katikati ya msimu, huku Norway ikiwa imeshindwa kufuzu kwa Kombe la Dunia.