Pep Guardiola: Nimejifunza vingi toka kwa Arteta

Pep amesema wakati akifanya kazi na Arteta amejifunza vitu vingi kutoka kwake, ukiangalia msimamo sasa hivi Pep yupo nafasi ya pili [2] na Arsenal nafasi ya Tatu [3], nani kajifunza kutoka kwa mwenzake?

Saa 12:30 Jioni England na Dunia inaenda kushuhudia mtanange mkubwa na wa kusisimua kati ya washindani kwenye Ligi kwa msimu wa pili mfululizo Arsenal dhidi ya Manchester City.

Historia ya mchezo huu inambeba zaidi Manchester City kwani katika michezo mitano (5) ya mwisho ameshinda michezo minne (4) huku Arsenal akishinda mchezo mmoja (1) pekee na huo mchezo alishinda kwa penalty baada ya sare ya 1-1.

Kipigo kikubwa alichokutana nacho Arsenal katika hiyo michezo mitano (5) ni cha 4-1 kutoka kwa Manchester City msimu uliopita.

Manchester City ana asilimia 39 ya kushinda huku Arsenal akiwa na asilimia 33 na sare ni asilimia 28.

Manchester City ataendeleza ubabe wake kwenye Ligi mbele ya Arsenal ?