Klabu ya Reading FC imemfuta kazi Paul Once
Klabu ya Reading FC imemfuta kazi Paul Ince kama kocha mkuu klabuni hapo kufuatia kipigo cha 2-1 dhidi ya Preston siku ya Jumatatu kinachoiacha klabu hiyo kwenye mstari wa kushuka daraja alama moja nyuma ya Cardiff City iliyopo nafasi ya 21 kwenye Ligi ya Championship.
Mkufunzi Noel Hunt ameteuliwa kuwa kocha wa muda/mpito wa klabu hiyo ambayo ipo nafasi ya 22 kwenye msimamo wa Championship kwa mkataba mpaka mwisho wa msimu.
Ince (55) ambaye amewahi kuvichezea vilabu vya Manchester United na Liverpool alipewa jukumu la kukinoa kikosi cha Reading mnamo Februari 2022 na kuisaidia klabu hiyo kusalia Championship kabla ya kupewa mkataba wa kudumu majira ya kiangazi 2022.
NB: Timu 24 zinashiriki Ligi ya Championship England.