){kind=link}
Mkuu wa Mkoa wa Mwanza, Amos Makalla akizungumza na Wachezaji wa Pamba FC
Mkuu wa Mkoa wa Mwanza, Amos Makalla amesema mabadiliko, jitihada na mipango inayoendelea kufanywa ndani ya timu ya Pamba Jiji FC ili iweze kupanda kwenda Ligi Kuu, siyo ya kubahatisha.
Makalla ambaye ndiye mlezi wa timu hiyo, ambayo kwa sasa iko chini ya umiliki na uendeshaji wa Halmashauri ya Jiji la Mwanza, ametoa kauli hiyo leo Agosti 18, 2023 wakati akizungumza na wachezaji na benchi la ufundi katika Uwanja wa Nyamagana, jijini Mwanza.
Mkuu huyo wa Mkoa ameapa wachezaji motisha ya Sh1 milioni pamoja na Mwenyekiti wa Chama cha Soka Mkoa wa Mwanza (MZFA), Vedastus Lufano ambaye pia amekabidhi Sh1 milioni kwa wachezaji wa timu hiyo.
Kocha wa Pamba Jiji FC, Mbwana Makatta, amesema amekuwa na kikosi hicho kwa wiki mbili akifanya mchujo wa wachezaji 100 na sasa amebakiza takribani 30 ambao watapunguzwa tena, huku akiahidi kuwa anatengeneza timu ya ushindani itakayompa matokeo kwani ana wachezaji wengi wazoefu kutoka Ligi Kuu.
kwa upande wake Lufano, amewataka wachezaji wa timu hiyo kuondoa shaka kwani chama hicho kitashirikiana nao muda wote pamoja na ofisi ya halmashauri ili wapate wanachostahili ikiwamo mazingira mazuri ya kazi na motisha.