Wachezaji wa Pamba
Kitayosce FC imeshinda mchezo wake wa nyumbani [Aki Hassan Mwinyi Stadium, Tabora] kwa goli 1-0 dhidi ya Mbini FC kutoka Mkoani Arusha.
Matokeo hayo yanaifanya Kitayosce FC kufikisha alama 57 kwenye msimamo wa Ligi baada ya kucheza mechi 27 na kujiweka katika nafasi nzuri ya kupanda Ligi Kuu moja kwa moja kama itamaliza katika nafasi ya pili.
Pamba FC ambayo inapigana vita kali dhidi ya Kitayosce FC kuwania kucheza Ligi Kuu msimu ujao, imepata ushindi kwenye uwanja wake wa nyumbani [Nyamagana, Mwanza] baada ya ushindi wa goli 1-0 dhidi JKT Tanzania ambao ni mabingwa wa Championship 2022|23 na tayari wamepanda Ligi Kuu.
Pamba imefikisha alama 56 kwenye msimamo wa ligi hiyo huku ikiwa imecheza mechi 27! Pamba na Kitayosce zinatofautiana alama moja pekee huku mchuano wao ukiendelea kuwa mkali kuelekea mwisho wa Ligi.
Kwingineko, KenGold FC imeifunga Copco FC kwa goli 1-0 na kuendelea kujiweka katika nafasi salama ya kubaki kwenye Ligi ya Championship baada ya kufikisha alama 43 sawa na Fountain Gate FC na Mashujaa FC.
MATOKEO MECHI ZA JANA
KENGOLD FC 1-0 COPCO
KITAYOSCE FC 1-0 MBUNI FC
PAMBA FC 1-0 JKT TANZANIA FC