Pacome apewe heshima yake

Mimi ni mtu wa Football sihitaji Elimu ya Chuo Kikuu kukielezea kiwango na kipaji cha Pacome Zouazoua, sihitaji muda zaidi wa kufanya hivyo.

Nilitumia dakika chache kwenye michezo migumu kutambua ubora wake kisha kusema huu ni moto mwingine kwenye Ligi ya Tanzania.

Kwanza kucheza dhidi ya timu ngumu kama Al Ahly ambao wanaisaka heshima tena wanapohitaji matokoe ya ushindi wewe kuja na kufanya kitu dhidi yao siyo jambo dogo, hapo nazungumzia Al Ahly anacheza kwenye hali ya hewa ambayo anaitaka yeye yaani siyo mipango ya Jua Kali, ni usiku wa mbaramwezi.

Hapa nawazungumzia CR Belouizdad timu ambayo uwekezaji wake ni mkubwa watu wamewekeza kweli ili kuvuka na kwenda robo fainali hata fainali ikibidi, Pacome anawafanyia ukatili watu hawa timu inavuka mbele ya Miguu yake tena kikatili zaidi.

Derby ya Kariakoo Mnyama anaangamia chuma 5-1 Mwamba anafanya balaa huku akimpoteza vibaya Mwamba wa Lusaka na watu kuanza kupiga kelele ni bora aondoke zake.

Hapa unamzungumzia Pacome Zouazoua ambaye amechaguliwa mchezaji bora Katika wachezaji wa wiki Ligi ya mabingwa Afrika. Hapo bado unabishana

Binafsi siwezi kuipima Jwaneng Galaxy ni kipimo sahihii kwa timu zilizoendelea kisoka, nitasubiri Robo fainali yenye Al Ahly, TP Mazembe na Mwarabu mwingine kupima kuona hayo maajabu ya Chama

Nitamsubiri pia Pacome Zouazoua kumpima uwezo wake mbele ya Mamelodi Sundowns, Asec Mimosas na Petro de Lunda, kwanini?

Nataka kuona viwango vya wachezaji tunaowapigia kelele watafanya nini dhidi ya timu bora kama hizo, siwezi kupima mbele ya Namungo ya Kusini, au Tanzania Prisons ya Zimbabwe kisha nikasifu uwezo wa mchezaji hapo, tusubiri tuone kwenye hizo timu za maana ndipo tutaongea Mpira.

Vipi somo limeingia au bado mnataka kubishana na ukweli?