Pacome afunguka kutoitwa Timu ya Taifa

Kiungo mshambuliaji wa Yanga, Pacome Zouzoua amesema kuwa licha kutoitwa Timu ya Taifa ya Ivory Coast yeye anafanya kila kitu anachotakiwa kufanya ndani ya timu yake.

Pacome amesema hayo mara baada ya kumalizika kwa mchezo wao wa Ligi dhidi ya Tanzania Prisons huku Yanga wakiibuka na ushindi wa bao 2-1 na pacome aishindilia msumari wa pili.

“Najua watu wengi wanajiuliza kwamba sipati nafasi ya kucheza timu ya taifa, ila kwa upande wangu mimi nafanya yale yote ya msingi.

“Jukumu la kuitwa kikosini linabakia kwa mwalimu kuniamini na kunipa nafasi ya kuitumikia timu ya Taifa. Ni suala la muda, najua nitavaa tena jezi ya taifa langu ya Ivory Coast.

“Lakini siwezi kuzungumzia kiundani suala hili, akili yangu yote ipo Yanga SC kwa ajili ya kutimiza malengo yangu pamoja na timu tuweze kuwafurahisha mashabiki wetu wanaosafiri umbali mrefu kwa ajili ya timu yao,” amesema Pacome Zoazoua.

Ivory Coast ndiyo Bingwa wa michuano ya AFCON 2023 iliyotamatika jana nchini kwao akimfunga Nigeria bao 2-1.