Pablo Franco Martin
Kuelekea mchezo wa hatua ya 16 Bora ya Michuano Azam Sports Federation Cup (ASFC) dhidi ya Ruvu Shooting, Kocha Mkuu Pablo Franco amesema wataingia kivingine kulingana na hali ya Kikosi ilivyo.
Kutokana na baadhi ya wachezaji kupata maumivu katika mechi dhidi ya ASEC Mimosas, baadhi yao wataukosa mchezo wa leo lakini kwao si tatizo maana wameshajipanga vya kutosha.
Pablo amesema anategemea kupata upinzani mkubwa kutoka kwa Ruvu Shooting na mchezo wao utakuwa mgumu lakini licha ya kukosa muda wa maandalizi ya kutosha wanahitaji kushinda ili wafuzu kwa hatua inayofuata.
"Kutakuwa na mabadiliko kidogo ya Kikosi na tutaingia kivingine , baada ya mechi ya juzi hatujapata muda wa kuweka miili sawa (recovery) lakini tunahitaji kushinda"
"Tulikuwa katika kiwango bora kwenye mchezo uliopita . Tunakwenda kukutana na timu bora na hii ni mechi ya mtoano kwa hiyo tunapaswa kuhakikisha tunakuwa makini, ni muhimu kwetu kuingia hatua inayofuata" amesema Pablo