Victor Osimhen
Mabosi wa Paris St-Germain (PSG) wamepanga kumsajili straika wa Napoli timu ya taifa ya Nigeria Victor Osimhen, 24, ikiwa supastaa wao, Kylian Mbappe ataondoka jijini Paris.
Taarifa kutoka Italia zinaeleza kwamba PSG imeshatuma ofa Napoli, lakini ilikataliwa na kuambiwa kwamba ikihitaji huduma ya Osimhen itatakiwa kutoa zaidi ya Euro 180 milioni na hiyo ndani ya msimu huu tu kwani timu yake imepanga msimu ujao kupandisha dau zaidi kutokana na imani kwamba nyota huyo ataendeleza ubora ambao amekuwa nao kikosini.
PSG iliachana na mpango wa kutaka kumsajili nyota huyu wa Kimataifa wa Nigeria kwa sababu haikuwa na uhitaji mkubwa, lakini kitendo cha Mbappe kuhusishwa kuondoka kinaonekana kuifanya idhamirie kweli kumsainisha mkataba mchezaji huyu ili akawe mbadala wake huko Ufaransa.