Otavio da Silva Monteiro
Klabu ya Al-Nassr inayoshiriki ligi kuu nchini Saudia Arabia imefanikiwa kumsajili winga hatari wa klabu ya FC Porto ya nchini Ureno Otavio da Silva Monteiro.
Klabu ya Al-Nassr imefanikiwa kumsajili mchezaji huyo mwenye umri wa miaka 28 kutoka Porto kwa ada ya uhamisho ya kiasi cha Euro milioni 60 ambayo inaelezwa kulipwa kwa vpindi tofauti tofauti.
Klabu hiyo ambayo anakipiga supastaa Cristiano Ronaldo yenyewe ndio inaelezwa kama klabu iliyofanya mapinduzi katika ligi hiyo na ni baada ya kufanikiwa kumsajili Ronaldo ambapo mpaka sasa imepelekea mastaa wengi kutoka ulaya kujiunga na ligi hiyo.
Staa Otavio anatarajiwa kusafiri kuelekea nchini Saudia Arabia kwajili ya kufanya vipimo vya afya ili kujiunga na mabingwa hao wa kombe la Arab, Lakini pia mshambuliaji huyo amefanikiw akuweka rekodi ya usajili kwa klabu ya Porto baada ya kua usajili ghali zaidi kwa klabu hiyo.
Mabingwa wa kombe la Arab Al-Nassr wamefanikiwa kuiboresha klabu hiyo katika dirisha hili la usajili kwani wameshafanikiwa kumsajili mchezaji Marcelo Brozovic,Sadio Mane, Otavio lakini pia wanaelezwa wako mbioni kumalizana na beki Aymeric Laporte.