Oscar Oscar: Simba wameukubali mziki wa Yanga

Mchambuzi maarufu wa masuala ya soka nchini, Oscar Oscar amesema kuwa kwa ubora walionao kikosi cha Yanga SC, hata wapinzani wao Simba SC wanakiri kuwa Wananchi msimu huu ni wa moto kuliko wao.

Oscar amesema hayo kufuatia matokeo chanya ambayo Yanga imekuwa ikiyapata kwenye michezo yake tangu msimu huu umeanza licha ya kiondokewa na baadhi ya nyota wake pamoja na aliyekuwa kocha wao Mkuu, Nasreddine Nabi.

"Kwa namna ambavyo Mabingwa wa nchi Yanga walivyoanza msimu huu kwa kishindo kuanzia Ligi Kuu hadi Ligi ya Mabingwa Afrika CAFCL, hii imewapa presha mashabiki wa Simba.

"Mashabiki wa Simba wakitoka mbele ya Vyombo vya Habari hawawezi kusema kwa Yanga hii ina ubora kuliko timu yao ila wakiwa wenyewe ndani wanakiri ubora wa Yanga.

"Mpango wa Simba msimu huu ni kuchukua mataji mawili ambayo yanashiikiliwa na Yanga ila kwa moto ambao Wananchi wameanza nao tayari Simba wenyewe wanaona msimu huu kazi ipo.

"Yanga ambacho wanaizidi Simba ni ile namna ya kupambana, Simba wao wanajiona mastaa ndio maana kuna baadhi ya mechi huwa wanapitia wakati mgumu," amesema Oscar Oscar.