Onana aitanguliza Simba mguu mmoja Robo Fainali

Willy Osomba Onana ndiye shujaa wa mchezo, ameitanguliza Simba SC mguu mmoja Robo Fainali ya Klabu Bingwa Afrika kwa kutupia magoli mawili katika mchezo dhidi ya Wydad Casablanca.

Magoli ya Onana aliyafunga dakika ya 36 na 38 katika mchezo huo wa nne wa hatua ya Makundi ya Klabu Bingwa Afrika, mchezo uliopigwa katika Uwanja wa Benjamini Mkapa jijini Dar.

Simba amefikisha alama 5 katima msimamo wa kundi lao akiwa nafasi ya pili nyuma ya ASEC Mimosas ambao wana alama 7. ASEC atawakaribisha Jwaneng wenye alama 4 muda mchache ujao.

Kwa ushindi huu wa leo, Simba atakuwa na faida ya mechi nyingine ya nyumbani dhidi ya Jwaneng kabla ya kwenda kumalizia ugenini dhidi ya ASEC.