Ole Gunnar Solskjaer: Man United waligoma kumsajili Haaland

Kocha wa Zamani wa Manchester United Ole Gunnar Solskjaer amesema Mabosi wa Klabu hiyo walikataa kumsajili Erling Halaand ambaye dau lake lilikuwa ni (£4 million) pekee.

Solskjaer ameiambia The Sun kwamba, miezi sita kabla ya kukabidhiwa mikoba ya ukocha wa timu hiyo, alipiga simu na kuwaambia wamiliki wa Man United kwamba kuna Mshambuliaji inabidi wamsajili lakini waligoma.

Halaand alinyakwa na mahasimu wa United, Manchester City toka Borussia Dortmund mwezi Julai mwaka 2022 kwa mkataba wa miaka 5 na hadi sasa kwenye msimu wake wa kwanza na Mabingwa hao watetezi, tayari amecheza mechi 32 za EPL na kufunga mabao 35.