Odhiambo kuanza kazi Geita Gold FC

Kocha mpya wa Klabu ya Geita Gold FC Patrick Odhiambo anatarajiwa kujiunga na klabu hiyo rasmi leo Jumatano (Desemba 29) akitokea nchini kwao Kenya.

Odhiambo anarejea Tanzania, baada ya kuikacha Biashara United Mara mwishoni mwa juma lililopita ambapo taarifa zinaeleza kuwa alirudi kwao kwa ajili ya mapumziko sikukuu ya X-Mass.

Baada ya kuwasili Geita, Kocha huyo ataanza kazi mara moja ya kukinoa kikosi chake, ili kuendeleza ubabe kwenye michezo ya Ligi Kuu Tanzania Bara baada ya kuambulia sare ya 1-1 dhidi ya Mbeya Kwanza FC, wakitangulia kuifunga Polisi Tanzania 1-0.

Odhiambo atajiunga na Geita Gold FC sambamba na msaidizi wake Marwa Chamberi ambaye alikuwa naye Biashara Utd.