Nzoia Sugar Waibamiza Sharks 3-1

Licha ya kutanguliwa kufungwa bao moja, vijana wa Nzoia Sugar hawakukata tamaa na kufanikiwa kuibuka na ushindi wa goli 3-1 dhidi ya Kariobangi Sharks katika mchezo wa Ligi Kuu nchini Kenya KPL.

Mchezo ukichezwa uwanja wa Utalii, Sharks walikuwa wa kwanza kufunga goli kunako dakika ya tisa likifungwa na Keith Imbali akimshinda ujanja mlinda mlango Humphrey Katasi.

Nzoia Sugar ambao wako kileleni mwa msimamo wa Ligi ya KPL kwa sasa walianza kurudi mchezoni na kufanikiwa kupata bao la kwanza kupitia kwa Joseph Mwangi, Timothy Ekhavi (bao la kujifunga) na Mwangi akatupia bao la pili.