Gabriel Martinelli
Gabriel Martinelli anaripotiwa kuhitaji Arsenal kuongeza dau mara tatu zaidi kwenye mishahara wake huku akitarajia kuongeza muda wake wa kukaa Emirates Stadium.
Mchezaji huyo mwenye umri wa miaka 21 amekuwa mmoja wa wachezaji bora wa Arsenal msimu huu akiwa amefunga mabao manne na kutoa pasi mbili za mabao katika mechi tisa za Ligi Kuu ya Uingereza.
Lakini pamoja na mchezaji huyo kusajili hadi 2024, imedaiwa kuwa Chelsea wanafuatilia hali yake, huku ikiwa ni siri sana kocha wa Liverpool Jurgen Klopp pia anahusishwa nae, na kusababisha Arsenal kuingia kwenye mazungumzo ya mkataba.
Winga huyo wa Brazil hivi majuzi alithibitisha kuwa mazungumzo yanaendelea huku akifichua matakwa yake ya kusalia kaskazini mwa London.
Walakini, kulingana na Daily Mail, makubaliano hayajafungwa kwa sababu ya madai ya mshahara wa Martinelli. Wanasema kwamba kinda huyo kwa sasa anaingiza mfukoni paundi Elfu 70 kwa wiki Arsenal, lakini anatafuta mshahara wa paundi 200,000 kwa wiki.
Hilo lingemfanya kuwa mmoja wa wachezaji wanaolipwa fedha nyingi zaidi klabuni hapo, ambapo Gabriel Jesus na Thomas Partey wote wanalipwa zaidi ya £200k-kwa wiki.
Ni idadi sawa na ambayo Arsenal wanaaminika kumpa Bukayo Saka, ambayo itakuwa karibu mara saba ya mshahara wa sasa wa nyota huyo wa Uingereza.
The Mail imesema kwamba kikosi cha Mikel Arteta kinajua kwamba kinahitaji kumtuza Martinelli kutokana na kiwango chake kizuri msimu huu akiwa kinara wa klabu kwenye msimamo wa Epl.
Lakini imesemekana kwamba hakuna haraka kutoka kwa Arsenal kumfanya Mbrazil huyo aandike kalamu kwenye mkataba mpya. Na hakuna hofu kutoka kwa Martinelli kwani ana macho tu ya kukabidhi mustakabali wake wa muda mrefu kwa klabu kwani yuko katika mji mkuu.