Ni kweli wachezaji wazawa sokoni hawapatikani?

Ni kweli kwa sasa hakuna wachezaji wenye ubora wanaoweza kucheza Simba SC, Yanga SC au Azam FC? Tofauti na wale ambao wapo kwenye hizi timu?

Kuna siku niliandika tetesi juu ya mlinzi wa Yanga SC, Kibwana Shomari huenda akaondoka pale, Kuna Kiongozi mmoja kutoka hizi timu za Simba, Yanga na Azam alinipigia na kunipa mtazamo wake....akianza na kuniuliza swali akiondoka Shomari Kibwana Yanga SC watampata nani mwingine mzawa mwenye ubora wake?....nikajaribu kuangalia nikakosa jibu...vipi wewe ungemwambia ni mchezaji gani anaweza?

Kiongozi akaniambia ni mchezaji gani kwasasa unaona anafaa kusajiliwa na hizi timu mzawa mwenye uwezo wa kwenda kupata nafasi ya moja kwa moja kucheza mbele ya wachezaji waliopo hizi timu....nikajibu Andambile, Balua, Ondit, Chasambi, Kagoma, Edmund John na wengine kama watano hivi! Kama Gadiel Michael, Kyombo.

Kiongozi akaniuliza tena kwanini wachezaji wengi wanaowika kwenye timu zingine ni wale ambao wameshawahi kucheza hizi timu? akaniambia wengi wanakosa nafasi ya kucheza Simba, Yanga na Azam kwa vile wanakutana na wenye ubora zaidi yao ila sio kwamba sio bora na ndio maana wakiondoka wanapokwenda wanacheza.

Kiongozi akaniambia ndio maana hawa waliopo huku hakuna timu ambayo inataka waondoke maana wanajiuliza maswali wakiondoka hawa wanakuja wakina nani? na sokoni yupo mwenye ubora kama wa yule anaeondoka?

Je?, ni kweli hakuna wachezaji wenye uwezo wa kusajiliwa na Simba SC, Yanga SC ama Azam FC kwenye dirisha hili dogo la usajili ambalo litafunguliwa hivi karibuni? au tunaungana na Kiongozi?