Ndoa ya Defoe yazua utata

Utata mkubwa umezuka juu ya uhalali wa ndoa ya Mwanasoka wa zamani wa Spurs, West ham na England Jermain Defoe (40) iliyofungwa takribani miezi sita iliyopita na kutokea kwenye kurasa zaidi ya 14 za gazeti maarufu la OK! .

Mwanasoka huyo ambaye alistaafu mwaka jana alionekana kama mtu aliyefunga ndoa na mpenzi wake Donna Tierney tarehe 4 Juni, 2022.

Mwezi mmoja baada ya ndoa hiyo wawili hao waliingia kwenye mgogoro baada ya tetesi za usaliti uliofanywa na Jermain, na miezi mitatu baadae walitengana.

Taarifa zinaeleza kuwa ofisi zote husika za usajili wa Serikali hazina rekodi ya ndoa hiyo ambayo iligharimu pauni 200, 000.

Akiongea na Mwandishi wa habari wa gazeti la The Sun, Bi. Donna amethibitisha kuwa walifunga ndoa na kukosekana kwa rekodi hiyo kunamshangaza.

Msemaji wa Jermain alitafutwa na gazeti la The Mirror lakini alijibu kuwa hana komenti yoyote juu ya suala hilo.