Ndanda hali mbaya, waomba msaada
Uongozi wa timu ya Ndanda fc yenye masikani yake mkoani Mtwara imeshindwa kuisafirisha Timu kuipeleka Mkoani Mwanza ambako walipaswa kucheza mchezo namba 223 wa Championship dhidi ya Copco fc katika dimba la Nyamagani April 25, 2023 kutokana na kukosa fedha,
Akizungumza na vyombo vya habari Mkoani Mtwara April 24, 2023 Mwenyekiti wa Ndanda fc Geofrey Lukanga amesema wameshindwa kuisafirisha timu kwenda kucheza mchezo huo kutokana na kukosa fedha ya mafuta na mahitaji mengine ya wachezaji hali iliyopelekea wachezaji kuruhusiwa kuondoka kambini.
“Tulikuwa na mchezo kesho April 25, 2023 na Copco katika uwanja wa Nyamagana Mkoani mwanza lakini kutokana na kukosa fedha ya kuisafirisha timu tumeamua kuwaruhusu wachezaji waondoke kambini na kama tutapata fedha basi tutawataarifu ili kuwahi kucheza mchezo wa mara lakini kwa Sasa tumeshindwa kabisa kusafirisha timu” Alisema Mwenyekiti huyo wa Ndanda Fc.
“Tumewatafuta wadau akiwemo mlezi wetu mh mkuu wa mkoa wa Mtwara Kanali Ahmed Abbas lakini jitihata zetu zimegonga mwamba, ili tuweze kufanikisha michezo yetu mitatu ya nje tunahitaji kuwa na milioni 25 lakini mpaka sasa tumekwama ingawa tunajuwa ni jambo linaloumiza lakini kwa sasa hatuna cha kufanya zaidi ya kuifunga kambi ya timu yetu”
Aidha kwa upande wake Mkurugenzi wa timu hiyo na mwenyekiti wa chama cha mpira wa miguu mkoa wa Mtwara Athumani Kambi aliwaeleza waandishi wa habari kwamba alikuwa na uwezo wa kuipatia timu hiyo milioni 1.5 au 2 lakini haikutosha kuisafirisha timu hiyo lakini imetumika kuwapatia wachezaji hao nauli za kurejea kwao kutokana na hali hiyo mbaya.
Alisema” Kama tukipata fedha leo tutawaomba TFF waweze kuipeleka mechi hiyo siku ya Ijumaa ili tucheze kwa sababu nia tunayo lakini hatuna fedha kwa sasa na wadau wameonesha kuto tuunga mkono kwa wakatu huu lakini tuliwafuata ili watusaidie kuisafirisha timu , sipendezwi na uamuzi huu lakini timu ilibaki kwangu peke yangu ila siwezi kuendesha kwa sasa”
Ndanda fc msimu huu ina alama 15 ikiwa nafasi ya 15 kati ya timu 16 zinazo shiriki ligi hiyo na imesaliwa na michezo minnne ambayo dhidi ya Copco Mwanza, Biashara ya Mara,Pan African Dar es salaam na Ndanda vs Transit