Kiungo Issah Ndala wa Azam FC
Kiungo Issah Ndala wa Azam FC, amesema hana presha na suala la namba kwenye kikosi hicho alichojiunga nacho msimu huu.
Ndala amejiunga na Azam msimu huu kwa mkataba wa miaka miwili akitokea katika klabu ya Plateau ya nchini Nigeria. Kiungo huyo kwenye mechi za Ligi Kuu alikuwa hayupo kwenye kikosi hicho hali ambayo ilionyesha kama ameanza kutoka kwenye reli.
Mwanaspoti lilimtafuta na kuzungumza nae na aliweka wazi sababu ya yeye kutokuwa sehemu ya kikosi kwenye mechi zilizopita za Ligi ni kutokana na alienda nyumbani kwao akiwa na kibali kutoka kwa viongozi wake.
Akizungumzia upande wa changamoto ya namba baada ya nafasi yake kucheza Kenneth Mguna alisema suala hilo anawaachia benchi la ufundi.
“Nafasi yangu imani yangu inaniambia bado ipo na kwa upande wangu nitapambana hadi mwisho kuipigania timu yangu,” alisema Ndala.
Ndala aliporejea alianza kwenye mchezo wa Kombe la ASFC dhidi ya Dodoma Jiji na mchezo wa kirafiki dhidi ya Al Hilal ambapo Wanalambalamba walilala bao 1-0, mechi ikipigwa Uwanja wa Azam Complex..
Kiungo huyu mwanzoni mwa msimu alikuwa kwenye muunganiko mzuri na mwenzake James Akaminko na kufanya watawale eneo la kati