Nawapa Simba asilimia 30 kumaliza nafasi ya pili - Job

Mchambuzi wa masuala ya soka nchini kutoka Wasafi Media, George Job amesema kuwa anaipa Simba asilimia 30 tu ya kumaliza Ligi Kuu ya NBC wakiwa nafasi ya pili msimu huu.

Job amesema hayo baada ya Simba kutoa sare ya mabao 2-2 juzi kwenye mchezo wa Ligi dhidi ya Namungo FC.

Simba imeendelea kusalia katika nafasi ya tatu ya Ligi ikiwa na alama 47 (michezo 22) nyuma ya Azam FC wenye alama 54 (michezo 24) huku Yanga wakiongoza Ligi na alama 62 (michezo 24).

“Simba SC nawapa asilimi 30 kumaliza nafasi ya pili, Azam FC wao nawapa asilimia 70 kumaliza kwenye nafasi hiyo,” amesema George.

Simba wakimaliza viporo vyao vya mechi mbili kufikia idadi watakuwa na alama 53 wakati Azam akiwa na alama 54 na bado Simba wana mchezo na Azam FC.