Simba vs Yanga.
Mchambuzi wa masuala ya soka kupitia Wasafi Media, Nasri Khalfan amesema kuwa klabu ya Simba itapokea kichapo kwenye mchezo wa dabi ya Kariakoo dhidi ya watani zao Yanga.
Simba watakuwa na kibarua kigumu Jumamosi, Aprili 20 mbele ya Yanga kwenye mchezo wa ligi Kuu ya NBC, huku Mnyama akiwa na kumbukumbu ya kupokea kipigo kizito cha bao 5-1 kwenye mchezo wa duru ya kwanza.
"Hakuna namna naweza kuelezea kuwa Simba SC watashinda mbele ya Yanga SC maana kila timu inaenda kutoa muendelezo wa kile wanaochoonyesha uwanjani. Naamini Simba itakwenda kupoteza mbele ya Yanga SC," amesema Nasri Khalfan.
Simba ambao wanashika nafasi ya tatu kwenye Ligi wakiwa na alama 46, wamejichimbia Visiwani Zanzibar kwa ajili ya maandalizi ya mchezo huo huku watani zao wakiwa wanaongoza ligi wakiwa na alama 55.